Prinjolata Tradizzjonali 🧨

✅ Ingredjenti għall-Isponge:

• 4 bajdiet

• 200g zokkor

• nofs kuċċarina essenza tal-vanilla

• nofs kuċċarina qoxra ta’ lumija maħkuka

• 200g dqiq self-raising

✅ Ingredjenti għall-Mili:

• mgħarfa whiskey

• 50g pine nuts, imqattgħa u mixwija

• 50g ċirasa tal-konfettura, imqattgħa

• 2 mgħaref chips taċ-ċikkulata

• 250g marġerina mrattba

• 2 mgħaref icing sugar

• mgħarfa vermouth

• kuċċarina estratt tal-vanilla

✅ Ingredjenti biex Iżżejjen:

• pakkett topping mix

• 250ml krema doppja tal-ħalib

• mgħarfa vermouth

• 50g ċirasa tal-konfettura, mqattgħa min-nofs

• 50g pine nuts, mixwija

• 50g ċikkulata mdewba

📑 Metodu għall-Isponge:

1. Saħħan il-forn għal 200˚Ċ.

2. Bil-mixer, ħabbat flimkien għal 8 minuti l-bajd, iz-zokkor, l-essenza tal-vanilla u l-qoxra tal-lumija sakemm ikollok taħlita ftit ratba.

3. Żid id-dqiq u ħallat b’mgħarfa tal-injam. Ferra’ t-taħlita f’landa tal-kejk midluka bil-butir jew marġerina.

4. Aħmi għal madwar 25 minuta sakemm meta ddaħħal sikkina fin-nofs tal-isponge toħroġ nadifa.

5. Oħroġ mill-landa tal-forn u ħalliha tiksaħ għal kollox.

📑 Metodu għall-mili tal-prinjolata:

1. Farrak l-isponge f’biċċiet żgħar fi skutella kbira.

2. Roxx il-whiskey u żid il-pine nuts, iċ-ċirasa tal-konfettura u l-biċċiet taċ-ċikkulata. Ħallat sew. 

3. Uża l-mixer u ħabbat il-marġerina maz-zokkor sakemm ikollok taħlita lixxa.

4. Żid it-taħlita ta’ qabel, l-estratt tal-vanilla, il-vermouth u ħallat flimkien bil-mixer. 

5. Ifforma t-taħlita fil-forma tal-prinjolata u poġġi fuq platt.

📑 Metodu biex iżżejjen:

1. Ħallat it-topping mix flimkien mal-krema u l-vermouth sakemm it-taħlita ssir iebsa.

2. Iksi l-prinjolata b’din it-taħlita u żejjen biċ-ċirasa tal-konfettura u l-pine nuts.

3. Fl-aħħar nett żejjen biċ-ċikkulata mdewba fil-wiċċ.

Addattata mis-sit: http://www.tisjir.com/prinjolata/