Għadam ta’ Novembru 🦴

 ✅ Ingredjenti għall-Għaġina:

• 250g dqiq self-raising

• 100g icing sugar

• 100g marġerina

• niskata melħ irqiq

• qoxra ta lumija maħkuka

• bajda

✅ Ingredjenti għall-Mili:

• 100g intrita pura

• 80g icing sugar

• nofs kuċċarina essenza tal-vanilja

• 4 imgħaref lewż inkaljat imfarrak

• bajda mħabbta sħiħa

📑 Metodu:

1. Agħrbel id-dqiq, l-icing sugar u l-melħ flimkien. Itfa’ il-marġerina u ħaddem bidejk sakemm tidħol fit-taħlita sewwa.

2. Itfa’ l-qoxra tal-lumija u għaqqad bil-bajda sakemm tiġi għaġina.

3. Itfa’ l-għaġina ġo borza tal-plastik u ħalliha fil-friġġ għal madwar sagħtejn.

4. Itfa’ l-intrita ġo skutella, żid l-icing sugar, il-vanilja u l-bajda.

5. Żid 2 mgħaref lewż imfarrak u għaġen sew.

6. Iftaħ l-għaġina forma ta’ strixxa twila u qatta’ t-taħlita tal-lewz b’idejk, forma ta zalzett, u itfha fin-nofs. Gerbeb kollox forma ta’ zalzett twil.

7. Qatta’ biċċiet ta’ daqs li trid u agħfas il-kantunieri ’il ġewwa biex jieħdu il-forma ta’ għadam.

8. Aħmi ġol-forn 180°C għal madwar 15-il minuta.

9. Meta jiksħu, ħallat 6 imgħaref icing sugar ma’ mgħarfa ilma u iksihom. Ferrex il-kumplament tal-lewż inkaljat u mfarrak fil-wiċċ.

Sors: https://newsbook.com.mt/ghadam-tal-mejtin/