Figolli Tradizzjonali 🐣

✅ Ingredjenti għall-għaġina:

• 1000g dqiq plain

• 2 kuċċarini trab tal-ħami

• 300g zokkor tal-ġelu (icing sugar)

• 450g butir bla melħ

• qoxra maħkuka ta' 2 lumijiet

• qoxra maħkuma ta’  2 larinġiet

• meraq ta' 2 larinġiet

• 6 isfra tal-bajd

✅ Ingredjenti għall-mili:

• 800g lewż pur mithun

• 640g zokkor tal-ġelu

• qoxra maħkuka ta' 3 lumijiet

• 5-6 abjad tal-bajd

• kuċċarina essenza tal-vanilla

✅ Ingredjenti biex iżżejjen:

• marzipan

• ġelu

• ċikkulata

• boċċi tal-fidda

📑 Metodu:

1. Għarbel id-dqiq, it-trab tal-ħami u z-zokkor tal-ġelu fi skutella kbira. Żid il-butir jew il-margerina u agħġen bil-ponot ta' subgħajk sakemm ikollok taħlita mrammla. Żid il-qxur maħkuk tal-lumi u tal-larinġ, il-meraq frisk tal-larinġ u l-isfra tal-bajd u ħawwadhom flimkien sakemm ikollok għaġina ratba. Geżwer l-għaġina fil-cling film u kessaħha fil-friġġ għal 30 minuta.

2. Għall-mili, poġġi l-ingredjenti kollha flimkien fi skutella kbira u ħawwadhom b'idejk biex tifforma taħlita ratba. Ara li t-taħlita ma tkunx twaħħal.

3. Meta l-għaġina tkun keshet u l-mili jkun lest, ibda fforma l-figolli. Iftaħ l-għaġina fuq wiċċ miksi bid-dqiq għal ħxuna ta' madwar 3⁄4 ċm. Biex taqtagħha uża I-forom tal-ħadid (għandek bżonn 2 forom tal-għaġina għal kull figolla). Iksi landa bil-karta forno u poġġi l-forom fiha.

4. Imbagħad, iftaħ l-intrita, bħalma tkun għamilt għall-għaġina, u aqta' forma għal kull figolla.

5. Idlek ħafif nofs il-forom tal-għaġina bl-ilma u għatti kull biċċa bl-intrita. Għatti l-intrita bil-forma l-oħra tal-għaġina biex b'hekk kull figolla jkollha qiegħ tal-għaġina, saff intrita fin-nofs u wiċċ ieħor tal-għaġina.

6. Aħmihom f'temperatura ta' 180°C għal 35-40 minuta, skont id-daqs.

7. Meta jkunu lesti, oħroġhom mill-forn u ħallihom jiksħu sew qabel taqlagħhom mil-laned. Għall-aħjar riżultat, żejjen il-figolli l-ġurnata ta' wara, biċ-ċikkulata, il-marzipan, il-ġelu u l-boċċi tal-fidda.

8. Meta tlesti t-tiżjin u l-ġelu jkun għaqad, geżwirhom fil-cling film biex jibqgħu friski.

Addattata mis-sit: https://aceline.media/recipes/manuels-figolli/