Chelsea Buns 😋

✅ Ingredjenti għall-Għaġina:

• 600g dqiq plain

• 75g zokkor

• 60g butir

• 37g ħmira

• 15g ħalib tat-trab

• 300ml ilma fietel

• kuċċarina zokkor

• bajda mħabbta

✅ Ingredjenti għall-Għaġina:

• 240g passolina

• 30g butir imdewweb

• 30g zokkor ismar

• ħwawar imħalltin (mixed spice)

✅ Ingredjenti għall-Glaze:

• 3 mgħaref icing sugar

• mgħarfa ilma

📑 Metodu:

1. Għarbel id-dqiq flimkien mal-melħ ġo skutella. Żid il-butir u ħaddem tajjeb sakemm it-taħlita tiġi qisha frak.

2. Ferra’ nofs l-ilma fietel ġo skutella żgħira. Żid il-ħmira u l-kuċċarina zokkor u ħawwad tajjeb. Għatti l-iskutella bl-istretch and seal u poġġiha f’post sħun biex il-ħmira titla’.

3. Ferra’ n-nofs l-ieħor tal-ilma fietel ġo skutella oħra u żid il-ħalib u l-bajda miegħu.

4. Qiegħed it-taħlita tad-dqiq ġol-iskutella tal-mixer. Żid kemm it-taħlita tal-ħalib u bajd kif ukoll it-taħlita tal-ħmira. Ħaddem tajjeb sakemm ikollok għaġina lixxa u elastika. Jekk m’għandekx mixer tista’ tagħmel l-għaġina b’idejk għalkemm f’dan il-każ tkun trid tħaddimha ħafna iżjed.

5. Qiegħed l-għaġina ġo skutella, għattiha bl-istretch and seal u poġġiha f’post sħun biex titla’.

6. Ixgħel il-forn 190°C. Idlek pjanċa tal-forn bi ftit żejt jew iksiha b’karta tal-forn umda.

7. Roxx ftit dqiq fuq il-mejda tal-kċina. Neħħi l-għaġina mill-iskutella u erġa’ ħaddimha għal ftit minuti. Iftaħ l-għaġina f’forma rettangolari fi ħxuna ta’ 0.5ċm.

8. Idlek l-għaġina bil-butir imdewweb. Ferrex il-passolina fuqu u roxx iz-zokkor ismar u ftit ħwawar. Gerbeb f’forma ta’ Swiss roll. Agħfas tajjeb int u ddawwar.

9. Aqta’ slajsis wesgħin madwar 4ċm u poġġihom wiċċhom ’il fuq fuq il-pjanċa bi spazju mdaqqas bejniethom.

10. Għatti b’sarvetta nadifa u ħalli f’post sħun għal 30 minuta sakemm jirduppjaw fid-daqs.

11. Sajjar fil-forn għal madwar 15-20 minuta.

12. Sadanittant, lesti l-glaze. Qiegħed l-icing sugar u l-ilma ġo skutella żgħira.

13. Ħaddimhom tajjeb b’furketta sakemm it-taħlita tiġi magħquda u bajda.

14. Idlek il-buns b’din it-taħlita malli toħroġhom mill-forn. Neħħihom mill-pjanċa u poġġihom fuq xibka tal-ħadid biex jiksħu.

Addattata mis-sit: http://www.tisjir.com/chelsea-buns/