Cheesecake tal-Amaretto 🍰

✅ Ingredjenti għall-bażi:

• 225g gallettini digestive, imfarrkin irqiq

• 3 imgħaref zokkor

• 7 imgħaref butir, maħlul

✅ Ingredjenti għall-mili:

• 680g ġobon artab, temperatura tal-kamra

• 225g mascarpone

• 2 mgħaref dqiq

• niskata melħ

• 300g zokkor fin (caster sugar)

• 3 imgħaref amaretto

• kuċċarina essenza tal-vanilla

• 4 bajdiet kbar, temperatura tal-kamra

• gallettini tal-amaretto imfarrkin, biex iżżejjen

📑 Metodu:

1. Saħħan il-forn għal temperatura ta’ 190°C.

2. Fi skutella ħallat flimkien il-gallettini digestive imfarrkin, iz-zokkor u l-butir imdewweb sakemm il-gallettini jixxarrbu kollha bil-butir.

3. Poġġi t-taħlita f’landa u ifrixha u ppressaha mal-qiegħ u xi 4 ċm għoli mal-ġnub (biex tippressa sew uża tazza bil-qiegħ ċatt imgeżwra fil-cling film).

4. Aħmi għal 10-12-il minuta sakemm tibda tiskura ftit.

5. Ħalliha tibred u baxxi t-temperatura tal-forn għal 150°C.

6. B’ħabbata tal-elettriku ħabbat il-ġobon artab, il-mascarpone, id-dqiq u niskata melħ għal madwar 5 minuti , sakemm ikollok taħlita lixxa.

7. Żid iz-zokkor fin u kompli ħabbat sakemm jidħol sew.

8. Żid l-amaretto u l-vanilla u kompli ħabbat għal 30 sekonda sakemm jitħallat kollox.

9. Żid il-bajd waħda waħda u ħabbat biss sakemm jidħlu fit-taħlita.

10. Ferra’ t-taħlita fil-qoxra tal-gallettini u llixxa l-wiċċ.

11. Aħmi għal 55-65 minuta sakhemm in-nofs jibqa’ jidher jiċċaqlaq xħin tmissu u t-truf ikunu ftit minfuħin.

12. Berred sew u poġġih mgħotti fil-friġġ għal mill-inqas 8 sigħat qabel isservih.

13. Żejjen il-wiċċ bil-gallettini tal-amaretto u servi.

Addattata mis-sit: https://littlerock.com.mt/food/ricetta-cheesecake-tal-amaretto/