Biskuttini tar-Raħal 🍪

 ✅ Ingredjenti:

• 415g dqiq tip 0

• 250g icing sugar

• 150g marġerina, kiesħa u maqtugħa f’kubi

• 2 kuċċarini żerriegħa sħiħa tal-aniżetta

• 1/2 kuċċarina trab tal-aniżetta

• 1/2 kuċċarina trab tal-imsiemer tal-qronfol

• 1/2 kuċċarina żrieragħ tal-ħlewwa, mixwi u ftit imfarrak

• 1/2 qoxra maħkuka ta’ lumija medja, larinġa u mandolina

• 3 isfar tal-bajd

• 1 kuċċarina ħalib maħlul

• 1 kuċċarina baking powder

• 1 kuċċarina vanilla

• 320g icing sugar

• 3 kuċċarini ilma

• 1 kuċċarina cream of tartar

• 4 qatriet, kulur tal-ikel

📑 Metodu:

1. Ixwi ż-żerriegħa tal-ħlewwa u għaffiġhom ftit.

2. Għaqqad l-ingredjenti xotti kollha u l-qxur tal-frott fi skutella, u ħawwad sakemm jingħaqdu sew.

3. Żid il-marġerina mat-taħlita niexfa u għaqqad b’subgħajk sakemm ikollok taħlita tixbah lil frak tal-ħobż.

4. Żid l-isfar tal-bajd, il-ħalib maħlul u l-essenza tal-vanilla. Ħawwad sakemm jingħaqdu flimkien u agħfas it-taħlita bil-mod sakemm ikollok għaġina ratba.

5. Aqta’ l-għaġina f’porzjon ta’ 50g, ifforma bħal ballun u poġġi fuq trej tal-ħami miksi.

6. Aħmi f’forn imsaħħan minn qabel f’temperatura ta’ 190˚Ċ għal 20 sa 25 minuta jew sakemm isiru kulur dehbi. Ħallihom jibirdu kompletament qabel tagħmel il-ġelu fil-wiċċ.

7. Għall-ġelu għaqqad l-ingredjenti kollha fi skutella u bl-użu ta’ mixer tal-idejn, ħawwad l-ingredjenti kollha flimkien għal madwar 2 minuti sakemm ikollok taħlita ftit iebsa u lixxa.

8. Żejjen il-wiċċ bil-ġelu u ħalli l-ġelu jinxef qabel ma sservi.

Sors: https://newsbook.com.mt/filmat-biskuttini-tar-rahal/